सौर कृषी पंप योजनेत मोठा बदल! 10 एचपी क्षमतेचे पंप बसवण्यास परवानगी; solar krishi pump yojana

शेतकऱ्यांना सिंचनासाठी स्वच्छ आणि पर्यायी ऊर्जा उपलब्ध करून देण्यासाठी राज्य सरकारने सौर कृषी पंप योजनेत (solar krishi pump yojana) महत्त्वाचे बदल केले आहेत. मुख्यमंत्री देवेंद्र फडणवीस यांनी नुकत्याच झालेल्या अधिवेशनात ही घोषणा केली.

10 एचपी क्षमतेच्या पंपासह मोठा विस्तार

सध्या सरकारकडून 3 एचपी ते 7.5 एचपी पर्यंतच्या सौर पंपांना अनुदान दिले जात होते. मात्र, अनेक भागांत भूजल पातळी कमी असल्यामुळे मोठ्या क्षमतेच्या पंपांची मागणी होती. त्यामुळे आता अशा भागांत 10 एचपी क्षमतेचे सौर कृषी पंप बसवण्यास परवानगी देण्यात आली आहे. 7.5 एचपी क्षमतेच्या पंपांसाठी सरकार अनुदान देणार असले तरी 10 एचपी क्षमतेच्या पंपांसाठी शेतकऱ्यांनाच खर्च करावा लागेल.

सरकारने 10 लाख शेतकऱ्यांना सौरऊर्जा पंप देण्याचे लक्ष्य ठेवले आहे. यामुळे शेतीसाठी अधिक ऊर्जा-कार्यक्षम उपाय उपलब्ध होतील आणि शेतकऱ्यांचे वीज बिलही वाचेल. शिवाय, पारंपरिक वीज जोडणीसाठी लागणाऱ्या खर्च व विलंबाचा त्रासही टाळता येईल.

solar krishi pump yojana चे शेतकऱ्यांना मिळणारे फायदे

• विजेच्या वाढत्या दरांचा कोणताही फटका बसणार नाही
• डिझेल आणि इतर इंधनावरील खर्च पूर्णतः वाचेल
• कमी देखभालीचा खर्च आणि दीर्घकालीन वापर
• संपूर्ण वर्षभर सिंचनाची सोय, विशेषतः उन्हाळ्यात अधिक फायदेशीर

पात्रता आणि महत्त्वाच्या अटी

Solar Krishi Pump Yojana चा लाभ घेण्यासाठी काही महत्त्वाच्या अटींची पूर्तता करावी लागेल:

• शेतजमिनीत सिंचनासाठी पाण्याचा स्रोत असावा – विहीर, बोअरवेल, शेततळे किंवा बारमाही नदी/नाला असणे आवश्यक आहे.
• महावितरण विभाग क्षेत्रात पाणीपुरवठा शाश्वत आहे की नाही, याची तपासणी करेल.
• शेतकऱ्यांनी पूर्वी ‘अटल सौर कृषी पंप योजना’ किंवा ‘मुख्यमंत्री सौर कृषी विभाग पंप योजना’ अंतर्गत सौर पंप घेतलेला नसावा.

अर्ज करण्याची प्रक्रिया

या योजनेसाठी ऑनलाईन अर्ज प्रक्रिया सुरू असून, इच्छुक शेतकऱ्यांनी खालीलप्रमाणे अर्ज करावा:

1. SOLAR MTSKPY  https://www.mahadiscom.in/solar_MTSKPY/ या अधिकृत पोर्टलला भेट द्या
2. ‘सुविधा’ विभागात जाऊन नवीन अर्ज भरावा
3. वैयक्तिक माहिती, शेतजमिनीचा तपशील, बँक खाते क्रमांक आणि आवश्यक कागदपत्रे अपलोड करावीत
4. अर्ज सबमिट केल्यानंतर पोहोच पावती मिळेल

अर्ज करताना आवश्यक कागदपत्रे

• आधार कार्ड
• सातबारा उतारा
• बँक खाते पासबुक झेरॉक्स
• पाण्याच्या स्रोताचा पुरावा (विहीर, बोअरवेल, शेततळे इत्यादी)

अर्ज सादर केल्यानंतर पुढील प्रक्रिया

अर्ज सादर केल्यानंतर महावितरण विभाग त्याची पडताळणी करून शेतकऱ्यांना अर्ज मंजूर झाल्याची माहिती देईल. मंजुरी मिळाल्यानंतर संबंधित सौरऊर्जा पुरवठादार कंपनी पंप बसवण्याची प्रक्रिया सुरू करेल. 

शेतकऱ्यांसाठी सुवर्णसंधी!

सौरऊर्जा पंपामुळे विजेच्या वाढत्या खर्चाचा ताण कमी होईल आणि शेतकऱ्यांना सिंचनासाठी अधिक स्वस्त आणि स्वच्छ ऊर्जा मिळेल. यामुळे शेती अधिक लाभदायक होईल आणि शेतकऱ्यांचे उत्पन्न वाढण्यास मदत होईल. नवीन 10 एचपी पंपामुळे अधिक खोल पाणीस्रोतांपर्यंत पोहोचणे शक्य होईल, त्यामुळे ज्या भागांत पाण्याची समस्या आहे, तिथेही शेती सुजलाम-सुफलाम होईल.

राज्य सरकारच्या या निर्णयामुळे सिंचनासाठी आता शेतकऱ्यांना अधिक सक्षम आणि पर्यावरणपूरक उपाय मिळणार आहेत. त्यामुळे ज्यांना या योजनेचा लाभ घ्यायचा आहे, त्यांनी लवकरात लवकर अर्ज करावा.