बेरोजगार तरुणांना मिळणार दरमहा 10 हजार रुपये; जाणून घ्या लाडका भाऊ योजनेबद्दल! Ladka Bhau Yojna 2025

Ladka Bhau Yojna 2025 – ‘मुख्यमंत्री माझी लाडकी बहीण’ योजनेनंतर महाराष्ट्र सरकारने राज्यातील बेरोजगार तरुणांसाठी एक नवी योजना आणली आहे. मुख्यमंत्री युवा कार्य प्रशिक्षण योजना (CMYKPY), जी ‘लाडका भाऊ योजना‘ (Ladka Bhau Yojna) म्हणून ओळखली जात आहे, या योजनेअंतर्गत राज्यातील बेरोजगार तरुणांना कौशल्य विकासासाठी आर्थिक सहाय्य मिळणार आहे. चला तर मग, या योजनेविषयी संपूर्ण माहिती जाणून घेऊया.

लाडका भाऊ योजना म्हणजे काय? (what is ladka bhau yojna)

लाडका भाऊ योजना राज्यातील बेरोजगार तरुणांना प्रशिक्षित करून त्यांना रोजगाराच्या संधी उपलब्ध करून देण्यासाठी तयार करण्यात आली आहे. ही योजना थेट आर्थिक मदत नसून, युवकांना त्यांच्या कौशल्य विकासासाठी स्टायपेंडच्या स्वरूपात पैसे दिले जातील. ज्यात

• १२वी पास तरुणांना ६,००० रुपये,
• डिप्लोमा धारकांना ८,००० रुपये,
• ग्रॅज्युएट किंवा त्यापेक्षा उच्च शिक्षण असलेल्या तरुणांना १०,००० रुपये दरमहा मिळतील.

या योजनेचे फायदे काय? (benefits of ladka bhau yojna)

• राज्यातील बेरोजगार तरुणांना प्रशिक्षणादरम्यान आर्थिक मदत मिळेल.
• १२वी पास, डिप्लोमा आणि ग्रॅज्युएट तरुणांना दरमहा अनुक्रमे ६,०००, ८,००० आणि १०,००० रुपये मिळतील.
• दरवर्षी १० लाख बेरोजगार युवकांना या योजनेचा लाभ दिला जाणार आहे.
• या योजनेंतर्गत तरुणांना विविध उद्योगांमध्ये ॲप्रेंटिसशिप करण्याची संधी मिळेल.
• प्रशिक्षणानंतर त्या बेरोजगार तरुणांना संबंधित कंपनीत नोकरीसाठी अर्ज करण्याची संधी मिळू शकते.
• स्टायपेंड थेट बँक खात्यात जमा केला जाईल.

लाडका भाऊ योजनेसाठी पात्रता कोणती? (eligibility for ladka bhau yojna)

• अर्जदार बेरोजगार तरुण हा महाराष्ट्राचा रहिवासी असावा. 
• अर्जदाराचे वय १८ ते ३५ वर्षांच्या दरम्यान असावे.
• किमान १२वी उत्तीर्ण असणे आवश्यक.
• अर्जदार कोणत्याही सरकारी भत्ता योजनेसाठी पात्र नसावा.
• अर्जदाराचे बँक खाते आधारशी लिंक असावे.

लाडका भाऊ योजनेसाठी आवश्यक कागदपत्रे (documents for ladka bhau yojna)

• आधार कार्ड
• अधिवास प्रमाणपत्र (डोमिसाईल)
• उत्पन्नाचा दाखला
• वयाचा दाखला
• शैक्षणिक प्रमाणपत्रे
• ई-मेल आयडी
• बँक पासबुक
• मोबाईल क्रमांक
• पासपोर्ट साईज फोटो

ऑनलाईन अर्ज करण्याची संपूर्ण स्टेप बाय स्टेप प्रक्रिया खालीलप्रमाणे (how to apply for ladka bhau yojna)

या योजनेसाठी ऑनलाइन अर्ज प्रक्रिया अतिशय सोपी आहे. खाली दिलेल्या स्टेप्स फॉलो करा:

• सर्वप्रथम या योजनेच्या अधिकृत rojgar.mahaswayam.gov.in या वेबसाईटवर जा.
• त्यानंतर “रजिस्टर” पर्यायावर क्लिक करा.
• मोबाईल नंबर टाका (शक्यतो आधार लिंक असलेला मोबाईल नंबर वापरावा) आणि आलेल्या OTP ने व्हेरिफाय करा.
• अर्जाच्या फॉर्ममध्ये विचारलेली सर्व माहिती भरा.
• त्यानंतर आवश्यक असलेले कागदपत्रे अपलोड करा.
• रजिस्ट्रेशन पूर्ण झाल्यानंतर तुम्हाला युजरनेम आणि पासवर्ड मिळेल.
• लॉगिन करून उर्वरित माहिती भरा.
• अंतिम व्हेरिफिकेशनसाठी ओटीपी टाकून अर्ज प्रक्रिया पूर्ण करा.

निष्कर्ष

लाडका भाऊ योजना ही राज्यातील बेरोजगार तरुणांसाठी एक मोठी संधी आहे. जर तुम्ही पात्र असाल, तर लवकरात लवकर अर्ज करा आणि या योजनेचा लाभ घ्या. ही योजना तुम्हाला केवळ आर्थिक मदतच देणार नाही, तर तुमच्या करिअरसाठी महत्त्वाची भूमिका बजावेल!